17‏/01‏/2012

افرد جناحك



فتى صغير
لا يبدو أنه تخطى العاشرة من عمره
كان يحمل طلبات السُكّان , خبز ولبن ومسحوق غسيل
كان يمشى فى طريق رملى مختصر , كثيراً ما شهد معاركه الخيالية ضد الاشرار

وضع الاشياء على الارض بعناية , وإبتعد عنها خطوتين
ثم نزل بيديه على الارض وتشقلب بصورة دائرية بغاية السهولة رغم إمتلائه النسبى
ثم نفض يديه , وحمل اشيائه ومضى فى طريقه كأن شيئا لم يكن

لم يلاحظ أن فتاه هناك كانت تسير بمحازاته على الجانب الأخر لمحت ما حدث
كانت تمشى لمنزلها بسماعات تصخب بروحها هى والهواء البارد
اطفئت السماعات فورا .. كمن تنبَّه من نومه فجأة
مشهد أكروباتى متواضع من طفل صغير .. لا تعرف لماذا ارتطم بها هكذا كموجة من السعادة البالغة !

نادته : " بسسسسسس "

إلتفت محرجا من فكرة أن هناك من قد يكون رأه
نظر لها مرتبكا , فشاورت له بيدها بما معناه أن يفعلها ثانية
رغم المسافة بينهما رأت وجهه يتدرج بالحمرة, وهز رأسه رافضاً على إستحياء

نادته ثانيةً بإبتسامة وشاورت له أن يعيدها

إبتسم ..

ثم وضع أشيائه على الارض بزهوٍ مصطنع
و.. تشقلب بمهارة أكبر من المرة الاولى

ثم نفض يداه وهو يبتسم خجلاً من النظر لها ليرى رد فعلها
بعد ثوانٍ نظر بعينٍ سعيدة ومحرجة ومزهوّة بقدراته
فرأى إبتسامتها اصبحت أوسع وهى تصفق محيية اياه كمن تمزَّج من عرضٍ رائع

بسعادة بالغة وكِبَر طاووس أنه نال إعجاب فتاه , سار وهو يسرق بعض النظرات المتخفية إليها

سار كلاً منهم فى طريقه .. وكلاهما على وجهه أكبر إبتسامه ممكن أن تُرتسم لغريب ..

رغم صغر الموقف
إلا أنه لصغره لمس قلبيهما برضا بالغ وإيجابية لن تُنسى أبداً

هناك 14 تعليقًا:

  1. جميله اوى
    حاجات كتير بتعدى قدام عنينا مش بناخد بالنا منها
    ممكن تبقى صغيرة لكن اد ايه أثرها عظيم

    ردحذف
  2. ايه ده !!!
    مش عارفة ليه انا كمان اترسمت على وشى ابتسامة زيهم اصلا حسيت نفسى أنى فالمشهد نفسه :)

    تحفة يا نينو بجد اصلا :)

    ردحذف
  3. أنا مبتسم دلوقتى وأنا بقرأ عنهم :)
    لذيذة جداً
    تحياتى

    ردحذف
  4. مش هما بس اللي اترسم علي وجوههم ابتسامة
    المبتسمين بيبتسمو
    واحنا معاهم
    :)

    تسلم ايديك يا نيللي :)

    ردحذف
  5. :)))))))))))))

    ابتسامه من الودن للودن

    <3 حلوة نيللي بجد :)

    ردحذف
  6. أناأتبسطت وأنا هنا
    وغيرت أوى بقه كان نفسى أشوفه
    :) معبرة جدا

    ردحذف
  7. ههههه ابتسمت انا كمان
    احلي حاجه اني وانا بقرأ
    شوفت المشهد زي ما انتي كتبتيه بس بزوايا كاميرا مختلفه
    تحفه :))

    ردحذف
  8. حلوة اوي تصدقي :)

    ردحذف
  9. شكرا جزيـــــلا ياجماعة ^_^
    مبسوطة إنها نالت إعجابكم ويارب دايما بإبتسامة على وجوهكم ~

    ردحذف
  10. حاجات بسيطة بس تحسسك بسعادة
    وانا سعيدة جدا بالبوست ده
    فيه شقاوة وسعادة
    حالة جميلة زيك يا نيللى :)

    ردحذف
    الردود
    1. تسلمى يا اية سعيدة بمرورك :)

      حذف
  11. احلى ما فى هذه القصة ان عشت فرحتك بيها قبل كتابتها اول محصلت جيتى حكيتيلى وان اشوفك كاتباها بنفس الاحساس الجميل الرائع دا
    بجد تحفة وشاطرة انك عرفتى تنقلى احساسك بيها لكل حد يقراها
    برافو عليكى بونتى

    ردحذف
    الردود
    1. تسلمى ياحبى :)
      الموضوع اصلا خلانى سعيدة جداً وقتها

      حذف

همسًا حدِّثُني ..