عايزة أحكي من غير ما أبوح
من غير ماخش في تفاصيل وأسئلة وتوضيح
ومن غير مالاقي مافيش حد بيسمع
عايزة ابكي من غير دموع
من غير حزن
من غير ما حس بالقهر فايض مني
عايزة أضحك
من غير ماحس بذنب ناحية كل حاجة بقت غلط وانتهت غلط
عايزة اتنفس بقلبي
مش حركة ميكانيكية لا إرادية
واحس بالحياة نابضة فيا بجد
عايزة الشمس تفضل طول الوقت لمساني
من غير ماتغرب لحظة واحدة عن روحي
ولو غربت عن الكون
تطلع من جوايا .. مني
تشرق .. وتساع دفا لكل البشر
عايزة أنسى كل حاجة فاتت
عايزة أقدر افتكر كل حاجة فاتت من غير ماقلبي يتوجع
عايزة أجرب
وأفشل عادي
من غير ماحسها نهاية العالم
من غير ما أخسر جزء مني في كل خسارة
عايزة أكسبني
أصاحبني
أعمل الحاجة اللي تفرحني على المدى البعيد
عايزاني جنبي
عايزة أبطّل أكره كل حاجة مابحبهاش
عايزة يبقى عندي احساس عادي .. لا هو اقصى شرق ولا اقصى غرب
عايزة ماتمسكش بحاجات فانية
عايزة أروح الجنة
عايزة ربنا يحبني وينور وشي زي الناس الملائكية اللي بشوفها
عايزة ابقى قوية
حتى في ضعفي
عايزة أبقى ايجابية ومافقدش عزيمتي ابدا
عايزة أبقى أقوى من الإحباط والإكتئاب
عايزة أخلّي كل حد يعرفني يتعلم حاجة
يضحك من قلبه بسببي
أنوّر له جزء من طريقه في الدنيا
..
عايزة أسمع الكلام دة كله.. أنفّذه .. واحطّه حلقة في وداني !!!
بشروق نور النهار
ردحذفسيشرق تحقق كل ما تتمنين.
مش بعيد
:)
اتمسكي باحلامك وماتخليش حد يوقفك حتى لو موجوعة
ردحذفبس هل انتى فعلا كل الحاجات دى مش موجودة عندك ؟؟
ردحذفكل الحاجات اللى انتى عاوزاها دا منها جواكى اصلا بس يمكن مش لاقي الطريق عشان يخرج
او بيخرج كتير وانتى مش واخدة بالك .. اكييييييييد
وأنا كمان عايزه :)
ردحذفيا رب يحقق لك كل اللى انت عايزاه ونفسك فيه
ربنا يقوينا بالإيمان به وبالثقة فيه والتوكل عليه :)
مع تحياتى.
ردحذفعطشـــان ياصبايا دلونى على السبيل
فى عام 2008 كتبنا فى مصــــرنا محذرين ... من المؤسف أن صحفى مصرى مقيم فى أمريكا يكتب و يهتم و يحذر منذ أكثر من 6 سنوات بينما فى مصـــر نيام .. نيام -
عزيــــزى القارئ أرجو أن تتعب نفســـك و تقرأ :
- حوار مع السفير إبراهيم يســـرى
- حوار الفريق ســوار الذهب : أتمنى أن تزول الحدود بين مصــــر و الســـودان
- ثقافة الهزيمة .. السودان أرض مصرية
- ثقافة الهزيمة .. موسم الهجرة إلى الجنوب ...
بالرابط التالى
www.ouregypt.us