فى تجمعات الناس ,الواحد بيشوف العجب ..
ورغم الحديث الشريف اللى بينهى عن الجلوس فى الطرقات _إلا إن تم الاحتفاظ بأدابها كغض البصر , وكف الاذى ورد السلام والامر بالمعروف والنهى عن المنكر (ودة طبعا نادرا مابنشوفه) _ إلا إنه سبحان الله دائما ما بتكون الطرقات دى عاملة زى مركز شباب عين الصيرة !!
شلة بنات وطبعا لو دققت النظر شوية هاتلاقى راشق جانبيهم شلة ولاد .. يستعرضوا خفة الدم بقى والزرفنة و البنات يشتغلوا " هيهئ وميمئ" !!
اخر استفزاز والله !!
كله إلا طرقات الجامعات .. وبرك الشباب والبنات اللى بتفتح عالبحرى.. اشبه اكثر بالنوادى عن كونها جامعة !
اللى منسجمين فى الاغانى وبيغنوا للرايحة واللى جاية..
واللى اعد متنح وشوية وهايفتح بقه من الملل , بس بردو مش عاتق و اعد !
واحد مستمخ بالسيجارة اللى فى ايدة..
وكله إلا الاتنين اللى منسجمين ورا الشجرة !!! ايه دة؟؟ هو الكورنيش فتح فرع عندنا؟؟
و ركن اخر .. فيه مجموعة مختلطة بيرغوا فى امور غاية فى الاهمية: ..
شفتى عربية "تيمو" الجديدة؟ ياي لونها يجنن موت
..
مش بوسى فكت الحجاب.. فاكس يابنى كدة شكلها جامد تنين !!
هتروحوا الخناقة بتاعة الواد ال *** اللى عاكس سالى ولا لا؟ لا ياعم فى ماتش النهاردة.. نروحله نطلع عين *** بكرة .. خلاص "قشطة" يا "مان" !
واحد واقف جانب العربية وباصص بترف عينه فى زجاج الشباك وبيسبسب فى السكسوكة..
اروح اكلمها؟ ولا هتشغلى الاسطوانة اياها؟ "نعم ,مين حضرتك ,انت تعرفنى؟ "
شفتى اللى حصل؟ مش توتة " فركشت" مع زيزو؟ اه يا"بيبي" عرفت ,شكلها كدة راسمة على ميزو.. بصراحة بقى "جامد جمودية السنين" من ساعة ماعمل ماش فى شعره
___
لغة جديدة بتاعة شباب المجانص وفورمة الساحل بتجبلى الضغط .. وألفاظ لطيفة بقت حاجة طبيعية جدا؟ ايه يابنى مش بتشتم؟ دة انت عتيق و "بطئ" ؟
استغفر الله العظيم على السيئات اللى اخدتها دى كلها فى عشر دقايق بس اعدة بتفرج .. بس بجد ملاحظة الناس بتخليك تعرف فعلا نوعية المجتمع اللى مكتوب عليك تكون منه .. فقط اعمل على ان تكون من الفئة السليمة عقليا وابتعد عن كل تلك الحماقات.. عشان بجد كدة كتشييييير
ايه الدماغ ال" اوملت" دى؟؟؟
ورغم الحديث الشريف اللى بينهى عن الجلوس فى الطرقات _إلا إن تم الاحتفاظ بأدابها كغض البصر , وكف الاذى ورد السلام والامر بالمعروف والنهى عن المنكر (ودة طبعا نادرا مابنشوفه) _ إلا إنه سبحان الله دائما ما بتكون الطرقات دى عاملة زى مركز شباب عين الصيرة !!
شلة بنات وطبعا لو دققت النظر شوية هاتلاقى راشق جانبيهم شلة ولاد .. يستعرضوا خفة الدم بقى والزرفنة و البنات يشتغلوا " هيهئ وميمئ" !!
اخر استفزاز والله !!
كله إلا طرقات الجامعات .. وبرك الشباب والبنات اللى بتفتح عالبحرى.. اشبه اكثر بالنوادى عن كونها جامعة !
اللى منسجمين فى الاغانى وبيغنوا للرايحة واللى جاية..
واللى اعد متنح وشوية وهايفتح بقه من الملل , بس بردو مش عاتق و اعد !
واحد مستمخ بالسيجارة اللى فى ايدة..
وكله إلا الاتنين اللى منسجمين ورا الشجرة !!! ايه دة؟؟ هو الكورنيش فتح فرع عندنا؟؟
و ركن اخر .. فيه مجموعة مختلطة بيرغوا فى امور غاية فى الاهمية: ..
شفتى عربية "تيمو" الجديدة؟ ياي لونها يجنن موت
..
مش بوسى فكت الحجاب.. فاكس يابنى كدة شكلها جامد تنين !!
هتروحوا الخناقة بتاعة الواد ال *** اللى عاكس سالى ولا لا؟ لا ياعم فى ماتش النهاردة.. نروحله نطلع عين *** بكرة .. خلاص "قشطة" يا "مان" !
واحد واقف جانب العربية وباصص بترف عينه فى زجاج الشباك وبيسبسب فى السكسوكة..
اروح اكلمها؟ ولا هتشغلى الاسطوانة اياها؟ "نعم ,مين حضرتك ,انت تعرفنى؟ "
شفتى اللى حصل؟ مش توتة " فركشت" مع زيزو؟ اه يا"بيبي" عرفت ,شكلها كدة راسمة على ميزو.. بصراحة بقى "جامد جمودية السنين" من ساعة ماعمل ماش فى شعره
___
لغة جديدة بتاعة شباب المجانص وفورمة الساحل بتجبلى الضغط .. وألفاظ لطيفة بقت حاجة طبيعية جدا؟ ايه يابنى مش بتشتم؟ دة انت عتيق و "بطئ" ؟
استغفر الله العظيم على السيئات اللى اخدتها دى كلها فى عشر دقايق بس اعدة بتفرج .. بس بجد ملاحظة الناس بتخليك تعرف فعلا نوعية المجتمع اللى مكتوب عليك تكون منه .. فقط اعمل على ان تكون من الفئة السليمة عقليا وابتعد عن كل تلك الحماقات.. عشان بجد كدة كتشييييير
سعيد جداً للمدونة الجديدة .. استمري . كتاباتك لطيفة جداً :)
ردحذفسعيدة لمرورك ..
ردحذفشكرا جزيلا :)