الواحد يكتئب .. و بطريقة ما يظبَّط النفسية والحمد لله
يرجع يملى التانك ويكتئب .. ينزل يقابل ناس حلوين ويقضى وقت حلو ويعدِّل النفسية والحمد لله
يرجع يكتئب من ولاد الناس الطيبين وولاد ال*** .. فا ياكل اكلة عزيزة على القلب ويسمع غنوة أمّورة ويعمل دماغ لطيفة والحمد لله
الشيطان إبن الستين فى سبعين يدّيك أسفينات ويشلّك ... تفضفض مع حد قريب من القلب وترتاح وترضى والحمد لله
تحصلّ حاجة قلق وقرف فا يفيض بيك ... تصلّى ركعتين وتغزى الشيطان وتهدى شوية والحمد لله
الموضوع صعب مش كدة ؟؟؟ ..........
" وخلقنا الإنسان فى كبد "
دة غير إن الشيطان مش عاتق طبعا
بس مجرد إلتقاط الأنفاس دة نعمة من عند ربنا
ممكن تقول زى ما انا بقول مثلاً :
وبعدين بقى .... هو الواحد فاضى يقعد يصارع إكتئابه وزعله
سنّة الحياة .... وبس بقى بدل ماولّع فى نفسى
الحــــــــــــــــــــمـــــــــــــــد لـــــــــــــــــــــــلَّـــــــه
الحمد لله الذي لا يحمد علي مكره سواه
ردحذفبجد علي رأيك هو الواحد فاضى يقعد يصارع إكتئابه وزعله
بجد الواحد نفسه يطلع من حالة الأكتئاب و يضحك من قلبه
بس في الأخر الحمد لله
الحمدالله على كل شئ
ردحذفطبيعى ان الواحد حاله يفضل متقلب
ده الغريبه ان الواحد يفضل على حال واحد
ساعتها مش هيحس بطعم حاجه
والوقت الجميل هيبقى عادى ماهو ده الطبيعى
ولو فى اكتئاب على طول هيبقى الحال صعب اوى يعنى
كل اكتئاب وليه اخر اكيد بردو
والواحد مش بيفضل على حاله
بس المهم ان مفيش حاجه وحشه تسيطر على تفكيرنا
its a gr8 1 keep it up :D
ردحذفسالخير
ردحذفايون هو الاكتئاب ده اللى الواحد بيتمنى ان الكلمه دى متكونش طلعت عشان لما الواحد يكتئب ييجى يقولك انا
انا ايه
قول معايا
وميفتكرش هو ماله
فيقولك خلاص انا بقيت كويس
كلمه نيله خالص
بس اهو بنخش نفرفش وندردش ونتجاهل كل الاكتئاب الوغد ده
صباح الخير عليكى وعليا وعلى الاكتئاب الوغد
والى يوم مشرق جديد مليان حر واكتئاب
الحمد لله على كل حال يارب واجعلى حمدك دايما اكتر فوقت كربك ربنا لن يخزلك ابد اكيد بنوتى
ردحذف