سميح شقير - ( يا حيف )
اغنية مهداة لشهداء درعا
يا حيف .. اخ .. ويا حيف .. زخ رصاص على الناس العزّل يا حيف..
وأطفال بعمر الورد تعتقلن كيف ؟؟
وإنت إبن بلادي تقتل بولادي .. ! وظهرك للعادي وعليي هاجم بالسيف.. !
يا حيف.. يا حيف..
وهذا اللي صاير يا حيف.. بدرعا ويا يُمّا ويا حيف..
سمعت هالشباب يُمّا .. الحرية عالباب يُمّا.. طلعوا يهتفولها ..
شافوا البواريد يُمّا.. قالوا إخوتنا هن ومش رح يضربونا..
ضربونا يُمّا بالرصاص الحي.. متنا.. بإيد إخواتنا .. بإسم أمن الوطن .. !
وإحنا مين إحنا .. وإسألوا التاريخ.. يقرا صفحتنا
مش تاري السجّان يُمّا كلمة حرية .. وحدا هزتله أركانه ..
ومن هتفة الجموع يُمّا .. أصبح كالملسوع يُمّا.. يصلينا بنيرانه.. !
واحنا الــ قلنا الــ بيقتل شعبه .. .. خاين!! .. يكون من كاين !! ..
والشعب مثل القدر .. من ينتخيه ماين.. !
والشعب مثل القدر .. والأمل باين .....
ويا حيف
http://www.youtube.com/watch?v=0n5Y4u40fXM&feature=related
_________________________________________________
دعائكم لسوريا .. واليمن .. وليبيا .. ولمصر
..... ولوطننا العربى ياعرب !
ليست هناك تعليقات:
إرسال تعليق
همسًا حدِّثُني ..