08‏/10‏/2011

STRESS !



قديماً .. كان لازم حاجة معتبرة تحصل عشان اعصابى تتعب
حالياً لو فيه ذبابة سخيفة مارست فقدان الذاكرة كل 5 ثوانى معايا وضايقتنى .. بتعصب وخلقى بيضيق لساعات !

كان الأول لو حسيت بضيق .. فنجان قهوة فى صحبة غنوة لفيروز او إلفيس بريسلى .. المزاج يتحسن ويكون تمام !

إنما مؤخراً لو إتشقلبت وعملت يوجا 5 ساعات .. مزاجى لن يرحمنى ابداً

 كما لو أن الواحد جاله حالة ضعف مناعة بصورة ما ... اصابت نفسيته !

أكون فى أمان الله .. مستمتعة بالفرجة على الطريق .. والإحساس الرائع بهواء السيارة المسرعة يرتطم بوجهى .. إنها الجنة
يأتى رجل سخيف يفتقر وجود دم كاف فى شرايينه .. يشرب سيجارة
أوتقفل نافذتى فتاة مسهوكة شائت الأقدار ان تكون جارتى فى الممقعد لأنها بردانة وخايفة الفورمة تخرب وتضطر لصب " الموظمبليت" ثانية على وجهها !
وقتها بتمنى بطريقة النينجا اليابانى ارميها من العربية بركلة قدم مزدوجة ... !
" يييييى ....... هاااااااااا "

مندمجة فى فيلم إستحوذ علىّ .. وشائت أمى والأقدار .. إن الأن هو الوقت الميثالى لنشر الغسيل .. فينقطع الفيلم والإندماج .. والخلف !

إنقطاع للنور وبالتالى ينقطع التكيف -حب حياتى- و اقابل ألدّ أعدائى .. الحر
رحمنا الله من مختلف أشكاله ..

إختلاف مع شخص ما .. وخاصة المقربين .. فأُستفز
- بالنسبة لى الإختلاف أحياناً كثيرة يفسد للود قضية ..

كوب القهوة المفترض لإنقاذ مزاجى يخرب ويقرر ألا يعطينى وجهه.. !

.. كومّنت سخيف .. تجاهل غريب .. إلحاح متطفل .. وكل أنواع السخافات الشيطانية الدنيئة كفيلة بأن "تقفل" اليوم .. !

حاليا يقفلنى إنى منذ فتــــــرة طويــــــلة غير راضية عن أى من كتاباتى ..
وصراحة الرغبة موجودة ولكن الإرادة لها ضعيفة..
اتمنى إتمام أشياء كثيرة .. وبصورة أو بأخرى تُعـرقل .. فيتغير مزاجى عنها ..

خيـــــــــــــــــــــــــــــــر.................

... دعواتكم بقى إنى أسترد مزاجى الوردى حتى أعود للمسار الذى اتمنّاه

هناك 5 تعليقات:

  1. عسل حبيبتى دى
    ربنا يحفظك ويسعد قلبك يارب دايماً :)

    ردحذف
  2. عسل ؟؟ نيللى عادل مييييين :D ?

    ردحذف
  3. أأأأأه
    نفسى كمان انا مزاجى الوردة القديم يرجعلى
    بقيت زيك يا نيللى و الله .. أسخف حاجة ممكن تقفلنى لمدة أيام و اكتر كمان !!
    حاجة تعصب :S

    ردحذف
  4. هههههههه
    أنا كنت فاكرة ان انا لوحدى
    بس انا بيتهيالى ان ده سببه ان كل يوم بيعدى بيزيد حاجة جديدة على حياتنا وبالتالى يزحمها اكتر ويخلينا معرضين للعصبية وتغير المود أسرع
    بحس برضه انها متعة فان حاجة حلوة تحصل واخيرا بعد كم كبير من الكابة والفصلان
    :) كله هيبقى تمام ان شاء الله اسفة على الرغى وأستمتعت بالقراية

    ردحذف
  5. أسفة أيه بس .. وحشنتنى تعليقاتك
    وأسعدنى أنها عجبتك :)

    ردحذف

همسًا حدِّثُني ..