29‏/06‏/2012

مُغامرة لمن إعتادت الفُرجة من بعيد








صباحاً .. بابا يخبّط عـ الباب


بعد إتفضل وصباح الخير صباح النور .. كانت جُملته :
" ماتيجى ننزل أنا وإنتِ الميدان دلوقت "

ونظراً لعشرتى لوالدى العزيز .. كونه يقول هذه الجُملة معناه إنفتاح جدًا
لا لإنه فلول أو ماشابه لا سمح الله ^^" ولكن لأنه بيخاف علينا بزيادة حتى لو كان معانا
Over Protective ببساطة
باركلى ربى فيه وطوّل فى عمره .. وبارك لكم فى ابائكم جميعاً يامن تقرأون ^^

بإبتسامة كبيـــرة بدّلت ثيابى وكنت جاهزة
وفى غضون أقل من ساعة كنّا هناك ^^
 بـ ميدان التحرير

وصلنا لبقعة إستراتيجية عالية نسبياً واضح فيها كل مايجرى على المنصة
وهذا إنجاز ولله الحمد نظراً للعدد المهول اليوم

المهم!
النهاردة أستطيع القول إنه كان من أجمل أيامى فــ الميدان بفضل الله ^__^  _ مع العلم بأنى للأسف والحسرة لم أحضر الـ 18 يوم الأوَل والأروع  للثورة !_

وقعت فى غرام الناس الـ كان معهم رشاشات مياة باردة للترطيب على الناس وللتخفيف من شدة الشمس ^^ ما أجملهم فعلاً .. خفّف الله عنهم حرّ يوم القيامة !!

شفت الشيخ مظهر شاهين، والبلتاجى، وسمعت وطنى يانجم الأوطان لايف من المنشد الرائع بوشهاب وهذا وحده شىء جميل جداً^^"



ختاماً بــ صفوت حجازى، والبلتاجى×2 ، ثم راجل الحرس الجمهورى بملابس الصاعقة المُخيفة بـ سلاح الرشّاش الكبــــــيـــــــر  على ظهره !! D:D:



و فووور ما د . مرسى قرّب عينك ماتشوف إلا النوووور !! :)) تزاحم رهيــــب !

والعبدة لله 157 سم يعنى خطر على حياتى الكلام دة معلش D:D: !!!



قبل ما د. مرسى يظهر أى قبل أن أُدهَس بـ فسوة * أى نصف ثانية تحديداً !! * خرجت من الميدان مُكرهة لدواعى أمنية وحياتية  :(( !!

لكن سمعت صوته من بعيد كدة يعنى D:
المهم إن أنا مبسوطة جداً باليوم الحمدلله
^__^
يارب تمم ثورتنا على خير وإصلح حال البلاد

______________


تأريخى لليوم بكاميرا موبايلى المتواضعة ^^










هناك 12 تعليقًا:

  1. أولا إسم التدوينة جميل أوى و عجبنى أوى!
    و فرحانة أنك رحتى الميدان !
    انا للأسف لا رحته فى الـ18 يوم الأولى و لا الأيام دى:(

    لكنه كان يوم رائع جدا أنا متأكدة :)

    ردحذف
  2. فعلاً كان يوم جميل ^^ اللهم لك الحمد كثيراً
    إن شاء الله تلحقيلك يوم كدة ^^ الثورة مستمرة إن شاء الله إنتِ عارفة يعنى :D

    ردحذف
  3. انا هسيب كل الكلام ده والزق في كلمة واحدة بس
    انك 157 سم
    طيب
    تقولي اية بقي في اللي 151 سم
    تموت نفسها
    هههههه
    ربنا يحللي ايامك

    ردحذف
    الردود
    1. ههههه بعد الشر عنك :))
      اهو كلنا واحد والحال من بعضه يعنى :))
      ويحلى أيامك حبيبتى :)

      حذف
  4. خلتينى احس انى كنت معاكى :)
    وبمناسبة الفضايح فى الاطوال
    انا اكتشفت ان مش لوحدى اللى قصيرة ههههههه
    بوست جميل ولذيذ وحماسى
    وعجبتنى الصور جداااا

    ردحذف
    الردود
    1. :):)
      تسلمى ياحُبى ربنا يخليكِ ^_^

      حذف
  5. صباح الغاردينيا نيللي
    هو كان يوم مميز وجميل لكل المصريين
    وأنا شفت الخطاب والتزاحم الكبير
    والحمدلله أنك خرجتي سليمة بـ 157 سم :)
    ؛؛
    ؛
    ربنا يخليلك بابا
    ويسكن والدي فسح جناته رحمه الله
    لروحك عبق الغاردينيا
    كانت هنا
    reemaas

    ردحذف
    الردود
    1. هههه الحمدلله :)
      الله يرحم والدك يارب وسكنه فسيح جناته حبيبتى :)

      حذف
  6. حسام يحيي6/30/2012 9:51 ص

    :D

    ردحذف
  7. نفس الطول يا نيللي متحرجناش بقي ههههههههههههه

    انا مبسوطه لانبساطك اه عن جد يعنى
    ويارب دايما كده تقدري تعملى اللى نفسك فيه
    والتصوير رائع :)

    ردحذف
    الردود
    1. هههه إحم عادى عادى على فكرة :D
      تسلمى ياحبيبتى ربنا يخليكِ :)

      حذف

همسًا حدِّثُني ..